pubg

INT.ROOM-NIGHT

Scene 1

രാത്രി സമയം ഒരു റൂമിൽ നിന്ന് ക്ലോക്ക് അലാറം അടിച്ചു കൊണ്ടിരിക്കുന്നു. കൃഷ്ണൻ തന്റെ മുഖത്തു ഉണ്ടായിരുന്ന പുതപ്പ് മാറ്റുന്നു എന്നിട്ട് അലാറം ഓഫ്‌ ചെയ്യുന്നു. ഒരു പേടിയോടെ ചുറ്റും നോക്കുന്നു. അവിടെ നിന്ന് പുറത്തേക്കു പോവുന്നു

EXT.ROAD-NIGHT

Scene 2

അയാൾ റോഡിലൂടെ നടന്നു വരുന്നു ഇടയ്ക്കു പിറകിലേക്ക് നോക്കുന്നു. അയാളെ ആരോ പിന്തുടരുന്നത് പ്പോലെ അയാൾക്ക്‌ തോന്നുന്നു അയാൾ ചുറ്റുഭാഗവും നോക്കുന്നു. വീണ്ടും മുന്നോട്ട് നടക്കുന്നു. പിന്നെയും ആരോ പിന്തുടരുന്ന പ്പോലെ തോന്നുന്നു. അയാൾ അവിടെ നിന്ന് ഓടി മറയുന്നു....

EXT.BILDING-NIGHT

Scene 3

അയാൾ പെട്ടെന്ന് ഓടി കൊണ്ട് ഒരു ബിൽഡിങ്ങിന്റെ മുകളിലേക്കു കയറുന്നു പെട്ടെന്ന്

കൊല്ലെടാ അവനെ തന്നെ വെടി വെക്കടാ ജീവനോടെ വിടല്ലേ

കൃഷ്ണൻ ബിൽഡിങ്ങിന്റെ താഴേക്കു ഒരു നില വിളിയോടെ വീഴുന്നു

അവിടെ ആ ബിൽഡിങ്ങിന്റെ മുകളിലെ ഷെഡിൽ കുട്ടികൾ ഫോണിൽ ഇരുന്നു pubg game കളിക്കുന്നു

കലികാലം മൊബൈൽ യുഗം

ഇവർക്ക് ചുറ്റും നടക്കുന്നത് എന്തെന്ന് പോലും അറിയാതെ ഫോണിൽ മാത്രം തോണ്ടി ജീവിതം ഹോമിക്കുന്ന പുതിയ തലമുറക്കായ് സമർപ്പിക്കുന്നു

പറയാൻ മറന്നത്

എല്ലാവരുടെയും ജീവിതത്തിലും കാണും ഒരു പ്രണയം . പക്ഷെ ചില പ്രണയ ബന്ധങ്ങൾ നേടുന്നതിനെക്കാൾ സന്തോഷമാവും നഷ്ടപ്പെടുമ്പോൾ പിന്നീട്  അതൊരു നോവ്‌ പോലെ കിടക്കുകയും ചെയ്യും നമ്മുടെ മനസ്സിൽ .ഒരിക്കൽ പോലും തുറന്നു പറയാതെ പോയ പ്രണയമാണ് പിന്നീട് നമ്മുക്ക് പലപ്പോഴും വേദന നൽകുന്നത് . ഇനി നമ്മുക്ക് കഥയിലോട്ടു വരാം . ഒരു മഴകാലമാണ് ഞാൻ ആദ്യമായി അവളെ കാണുന്നത് കണ്ട മാത്രയിൽ അവളോട്‌ ആർക്കും ഒന്നും തോന്നുകയില്ല .പിന്നീട് ഞാൻ അവളെ കൂടെ കൂടെ കാണും .അതിൽ എപ്പോഴോ എന്റെ ഹൃദയം എന്നോട് തന്നെ മന്ത്രിച്ചു എനിക്ക് അവളെ ഇഷ്ട്ടമാണ് . അവൾ ഇല്ലാതെ എനിക്ക് ജീവിക്കാൻ കഴിയുകയില്ല എന്നൊക്കെ പക്ഷെ എന്തോ ഒന്ന് അവളെ കാണുമ്പോൾ എന്റെ മനസ്സ് തന്നെ പറയും വേണ്ട ചിലപ്പോൾ ഈ കാണുന്ന കാഴ്ച്ചക്കു പോലും അവളെ പിന്നെ കിട്ടുകയില്ല എന്ന്‌ .എന്റെ ഉള്ളിലെ ഭയം അവളോട്‌ അതു തുറന്നു പറയാൻ അനുവദിച്ചില്ല .ഒരിക്കൽ ഞാൻ അവളോട്‌ സംസാരിക്കാൻ തീരുമാനിച്ചു .ഒടുക്കം ഞാൻ അവളോട്‌ സംസാരിച്ചു അവൾ അതിനെല്ലാം മറുപടിയും തന്നു .ആ മറുപടി കേട്ടപ്പോൾ മുതൽ എനിക്കും തോന്നി ടൂഷന് പോവണം അതും തന്നെ അവൾ പോവുന്നവിടത്തു തന്നെ ഞാൻ വൈകാതെ അവിടെ പഠിക്കാൻ പോയി .അവളുടെ ക്ലാസ്സിൽ തന്നെ ക്ലാസ് ആദ്യാപകൻ എടുക്കുന്ന സമയത്തും എന്റെ കണ്ണുകളും മനസും അവളുടെ നേരെ തന്നെ ആയിരുന്നു .ഇടക്ക് എപ്പോഴോ അവൾ പുസ്‌തകത്തിൽ നിന്നും കണ്ണുകൾ എടുത്ത സമയതാണ് അവൾ എന്റെ കണ്ണുകൾ ശ്രദിച്ചത് .എന്റെ നോട്ടത്തിൽ നിന്നും അവൾ എന്തോ മനസിലായ പോലെ തിരിച്ചു ഒരു നോട്ടമായിരുന്നു .എന്നിട്ടു കണ്ണു കൊണ്ടു ആംഖ്യ ഭാഷയിൽ ഒരു ചോദ്യമായിരുന്നു എന്താ എന്നെ ഇങ്ങനെ നോക്കുന്നത് എന്നു .മനസ്സു അവളോട്‌ ഒരുപാട് വട്ടം പറഞ്ഞു എനിക്ക് നിന്നോട് മുഴുത്ത പ്രണയമാടി പെണ്ണേ എന്ന് .പക്ഷെ അത് മനസിൽ മാത്രം കിടന്നു പിടഞ്ഞു പുറത്തോട്ടു വന്നില്ല .പക്ഷെ എന്തെല്ലാമോ മനസിലാക്കിയ പോലെ ആയിരുന്നു അവളുടെ ആ ചിരി .പിന്നീട് ഞങ്ങൾ നല്ല സൗഹൃദത്തിലായി ഞാൻ അവളോട്‌ എന്റെ എല്ലാ കാര്യവും പറയുമായിരുന്നു .അവൾ എന്നോടും അങ്ങനെ തന്നെ ആയിരുന്നു ഓരോ ദിവസങ്ങൾ കടന്നു പോയി കൊണ്ടിരിക്കുമ്പോഴും ഞാനും അവളും തമ്മിലുള്ള സൗഹൃദം അതു വർദ്ധിച്ചു കൊണ്ടേ ഇരുന്നു .പക്ഷെ എനിക്ക് എന്റെ പ്രണയം അവളോട്‌ തുറന്നു പറയാൻ ഈ സൗഹൃദം ഒരു വിനയാവുമോ എന്ന ഭയം എന്നിൽ ഉണ്ടായി .ഒരിക്കൽ അല്ലെങ്കിൽ ഒരിക്കൽ ഞാൻ അവളോട്‌ ഇതെല്ലാം തുറന്നു പറയും അതിനു പറ്റിയ ഒരു സാഹചര്യം ഒത്തു കിട്ടുന്നതും കാത്തു ഞാൻ ഇരുന്നു .അങ്ങനെ ഇരിക്കുമ്പോളാണ് അതിനു ഒരു സാഹചര്യം വന്നു കിട്ടിയതു .അവളുടെ വീട്ടിലേക്കു ഒരു ക്ഷണം ഓണത്തിന് ഭക്ഷണം കഴിക്കാൻ ചെല്ലാൻ പറഞ്ഞിട്ടു . ഇതു തന്നെ എനിക്ക് അവളോട്‌ എന്റെ പ്രണയം തുറന്ന് പറയാൻ പറ്റിയ സന്ദർഭം .
കാര്യങ്ങൾ ഇങ്ങനെ ഒക്കെ ആണെങ്കിലും എങ്ങനെ അവളോട്‌ പറയും എന്ന പേടി അതു എന്നിൽ നില നിൽക്കുന്നുണ്ട് .എന്തായാലും വേണ്ടില്ല ഇതു പോലെ ഉള്ള അവസരം ഇനി ജീവിതത്തിൽ കിട്ടില്ല എന്നു തോന്നിയപ്പോൾ ഞാൻ വരാം എന്ന് അവളോട്‌ വാക്ക് പറഞ്ഞു .പക്ഷെ അവൾ ക്ലാസിലെ മറ്റു കുട്ടികളെ ഒരാളെ പോലും വിളിക്കാതെയാണ് എന്നെ മാത്രം ക്ഷണിച്ചത് എന്നു ഞാൻ അവിടെ അവളുടെ വീട്ടിൽ പോയപ്പോളാണ് അറിയുന്നത് .അപ്പോൾ തന്നെ എന്റെ മനസ്സ് പറഞ്ഞു അതേ അവൾക്കു നിന്നെ ഇഷ്ട്ടമാണ് . ഇനി നീ തുറന്നു പറഞ്ഞാൽ മാത്രം മതി എന്നു .പക്ഷെ അവളെ ഒഴിഞ്ഞു കിട്ടാൻ വേണ്ടി ഞാൻ കാത്തിരുന്നു .അവിടെ ഉച്ച ഭക്ഷണം കഴിക്കാൻ എല്ലാവരെയും വിളിക്കുന്നു കൂട്ടത്തിൽ എന്നെയും വിളിച്ചു അവളുടെ അമ്മ .ഭക്ഷണം കഴിക്കുന്ന സമയത്തും അവൾ എന്നെ തമാശ പോലെ കളിയാക്കി കൊണ്ടു പറഞ്ഞു പച്ചക്കറി ഒക്കെ കഴിക്കുമോ ആവോ ഇവിടെ ചിക്കനും ബീഫൊന്നും കിട്ടുക ഇല്ല എന്നു .ഞാൻ അതിനു മറുപടി പോലെ പറഞ്ഞു ഈ മുരിങ്ങക്ക ചിക്കാനാണെന്നു കരുതി കടിച്ചു പറിച്ചു തിന്നോളാമേ എന്ന് .അതു കേട്ടപ്പോൾ ആ സദസ്സിൽ മൊത്തത്തിൽ ഒരു ചിരി പടർന്നു .ഭക്ഷണം എല്ലാം കഴിച്ചു കഴിഞ്ഞപ്പോൾ എനിക്ക് കഴിച്ചത് കൂടി പോയപ്പോലെ തോന്നി . ഇനി അത് ഒന്നു ദഹിപ്പിക്കണം എങ്കിൽ ഒന്നു പുകച്ചാലെ ശരി ആവൂ എന്ന ചിന്തയിൽ നിൽക്കുക ആയിരുന്നു ഞാൻ .അവിടേക്ക് ഒരു ദൈവ ദൂതനെ പോലെ അല്ലെങ്കിൽ ഒരു മാലാഖയെ പോലെ അവൾ വന്നു എന്റെ സുചിത .
" എന്താണാവോ ഇവിടെ ഇങ്ങനെ തിരിഞ്ഞു കളിക്കുന്നത്  "
" ഒന്നും ഇല്ല വെറുതെ "
" എനിക്ക് അറിയാം ഭക്ഷണം കഴിഞ്ഞാൽ ഒരു സിഗരറ്റ് വലി ഉള്ളതാണെല്ലോ "                                      " ഓ അപ്പോൾ മനസിലായി കൊച്ചു കള്ളി കിട്ടാൻ എന്തെങ്കിലും വകുപ്പുണ്ടോ "                                      ഞാൻ നോക്കട്ടെ ഇവിടെ വലിക്കുന്നത് വലിയമാവൻ മാത്രമാണ്
"  ആരെങ്കിലും ആവട്ടെ എങ്ങനെ എങ്കിലും ഒന്നു ഒപ്പിച്ചു താടി "                    ഞാൻ നോക്കട്ടെ
അതും പറഞ്ഞു അവൾ പോയി .കുറച്ചു കഴിഞ്ഞപ്പോൾ  വന്നു സിഗരറ്റുമായി . ഞാൻ മനസ്സിൽ കരുതി എവിടെ നിന്നു കിട്ടും ഇതു പോലെ ഒരു കാമുകിയെയും ഭാര്യയുമെല്ലാം
" ഹലോ എന്താ ആലോചിക്കുന്നത് "
" ഒന്നും ഇല്ല "
അവളുടെ അമ്മ എന്നോട് പറഞ്ഞു ചായ എല്ലാം കുടിച്ചിട്ട് പോയാൽ മതി എന്നു ഞാൻ ശരി എന്ന് മറുപടിയും പറഞ്ഞു അങ്ങനെ നിൽക്കുമ്പോൾ അതാ അവളുടെ വലിയമാവൻ വന്നു എന്നോട് പറഞ്ഞു താൻ വാടോ ഈ വീടും പരിസരവും എല്ലാം കാണെടോ എന്നു പറഞ്ഞു എന്നെ കൊണ്ട് നടക്കാൻ തുടങ്ങി ആ യാത്രയിലാണ് അദ്ദേഹം എന്നോട് ചില കാര്യങ്ങൾ പറയുന്നത് .അവളുടെ അമ്മക്കും അച്ഛനും ആദ്യമെല്ലാം ഉണ്ടായ കുഞ്ഞുങ്ങൾ പ്രസവത്തിൽ തന്നെ മരണപ്പെടുകയും കുഞ്ഞുങ്ങൾ ഇല്ലാതെ ആവുകയുമെല്ലാം ചെയ്തപ്പോൾ ഒരുപാട് വഴിപാടും കാര്യങ്ങളും എല്ലാം ചെയ്തിട്ടു അവർക്ക് ആകെ കിട്ടിയ കുട്ടിയാണ് അവൾ എന്നു .അതെല്ലാം കേട്ടപ്പോൾ എന്റെ മനസിൽ തോന്നി എന്തിനാണ് എന്റെ സന്തോഷത്തിനു വേണ്ടി ഇവരുടെ എല്ലാം സന്തോഷം ഇല്ലാതെ ആക്കുന്നത്  .എന്റെ മനസ്സിലെ പ്രണയത്തെ ഞാൻ മറക്കാൻ മനസ്സിനോട് തന്നെ പറഞ്ഞു അവളിൽ നിന്നും അകലാൻ തീരുമാനിച്ചു .അന്ന് ആ വീട്ടിൽ നിന്ന് മാത്രമല്ല അവളുടെ ജീവിതത്തിൽ നിന്ന് തന്നെ എന്നെന്നേക്കുമായി ഇറങ്ങി പോവാൻ ഞാൻ ഉറപ്പിച്ചു .പിന്നീട് ഞാൻ ക്ലാസിനു പോവാതെ ആയി .അതിൽ ഇടക്ക് ഞാൻ ഒരു വട്ടം അവളെ കണ്ടു . ഞാൻ അവളെ കാണാത്ത രീതിയിൽ നടിച്ചു നടന്നു .പെട്ടെന്ന് അവൾ എന്റെ പിന്നിൽ വന്നു പുറത്തിട്ടു ഒരു കുത്തു തന്നു .എന്നിട്ടു പറഞ്ഞു എന്താടോ  എന്തു പറ്റി താൻ ഇപ്പോൾ ക്ലാസിനും വരുന്നില്ല എന്നെ കാണലുമില്ല കണ്ടാൽ തന്നെ തമ്മിൽ അറിയാത്ത ആളുകളെ കണ്ട പോലെ ഉള്ള പെരുമാറ്റവും എന്തു പറ്റിയെടോ . ഞാൻ അതിനു മറുപടി ഒന്നും പറഞ്ഞില്ല മൗനമായി ഇങ്ങനെ നിന്നു .എല്ലാത്തിനും ഉള്ള മറുപടി അതിൽ തന്നെ ഉണ്ടായിരുന്നു അതു മനസിലാക്കിയത് കൊണ്ടാവും അവളുടെ കണ്ണുകൾ നിറഞ്ഞു .ഒന്നും മിണ്ടാതെ അവൾ അവിടെ നിന്നും ദൂരേക്ക്‌ നീങ്ങി മറഞ്ഞു .അവിടെ വെച്ചു ഞാൻ തീരുമാനിച്ചിരുന്നു ഇനി അവളെ കാണാനുള്ള സാഹചര്യം ദൈവം ഉണ്ടാക്കല്ലേ  .അന്ന്  അവിടെ നിന്നു യാത്ര തിരിച്ചു .കുറച്ചു മാസങ്ങൾ കഴിഞ്ഞു പോയി  ഒരു ദൂര യാത്ര കഴിഞ്ഞു ട്രനിൽ വരുമ്പോൾ എന്റെ കൂട്ടുകാരനും അവളുടെ ബന്ധുവുമായ സോജിത്തിനെ കാണുന്നത് . അവനോടു കുറെ നേരം സംസാരിച്ചു കൊണ്ടിരുന്നു .അതിൽ ഇടക്ക് എപ്പോഴോ അവളെ പറ്റി ചോദിച്ചു എന്താ സുജിതയുടെ വിശേഷം അതിനു അവനിൽ നിന്ന്‌ ഉണ്ടായ മറുപടി ഒരു കണ്ണുനീർ മാത്രമായിരുന്നു .എന്തിനാ നീ കരയുന്നത് .അപ്പോൾ നീ ഒന്നും അറിഞ്ഞിലായിരുന്നോ .ഇല്ല എന്തു പറ്റിയടാ
നീ അന്ന് അവളോട്‌ സംസാരിച്ചു പോയില്ലേ . അന്ന് അവൾ എന്നോട് എല്ലാം പറഞ്ഞു അവൾക്കു നിന്നെ ഇഷ്ടമായിരുന്നു എന്നൊക്കെ പക്ഷെ അവളുടെ വീട്ടിൽ വന്നതിനു ശേഷം നീ പിന്നെ അവളെ നിന്നിൽ നിന്നും അകറ്റാനുള്ള ശ്രമത്തിൽ ആയിരുന്നു എന്നൊക്കെ കുറെ പരാതികൾ അതെല്ലാം പറഞ്ഞു ഒരു പാട് സങ്കട പെട്ടു പോവുമ്പോളാണ് ഒരു മണൽ ലോറി അവളെ തട്ടി തെറുപ്പിച്ചത് .കുറച്ചു ദിവസം ഹോസ്പിറ്റലിൽ കിടന്നു ആ സമയത്തും അവൾ നിന്നെ അനേഷിച്ചു .പക്ഷെ നീ ആരോടും ഒന്നും പറയാതെ എവിടേക്ക് എന്നില്ലാതെ ഉള്ള യാത്ര ആയിരുന്നില്ലേ .നിന്നെ ഒന്നു വിളിക്കാൻ നിന്റെ നമ്പർ പോലും ആരുടെയും കൈയിൽ ഇല്ലായിരുന്നു .അവൻ ഇതെല്ലാം പറഞ്ഞു തീരുന്നതിനു മുന്നേ തന്നെ എനിക്ക് എന്റെ സകല നിയന്ത്രണവും നഷ്ടപ്പെട്ടിരുന്നു .അതു എന്റെ മനസിന്‌ ജീവിതത്തിൽ പറ്റിയ ഏറ്റവും വലിയ ഷോക്ക് ആയിരുന്നു .പതിയെ എന്റെ മനസും ശരീരവും ആ സത്യത്തെ ഉൾക്കൊള്ളാൻ തയ്യാറായി .ആ യാത്ര കഴിഞ്ഞു ട്രെയിൻ ഇറങ്ങാൻ സമയമായപ്പോൾ ഞാൻ സോജിത്തിനോട് പറഞ്ഞു എനിക്ക് അവളുടെ വീട്ടിലേക്കു ഒന്നു വരണം . അവളെ ഒന്നു കാണണം എന്ന് .അങ്ങനെ അവന്റെ കൂടെ അവളുടെ വീട്ടിലേക്കു പോയി .അവിടെ എന്തോ അതു വരെ ഉണ്ടായിരുന്ന ആരവങ്ങൾ എല്ലാം അവസാനിച്ച ഉത്സവപറമ്പു പോലെ ആയിരുന്നു .അവളുടെ അമ്മ എന്നെ കണ്ടതും പൊട്ടി കരഞ്ഞു .അവളുടെ അമ്മാവന്റെ വാക്കുകളാണ് എന്നെ കൂടുതൽ വേദനിപ്പിച്ചത് .ഞങ്ങൾ ഇങ്ങനെ എല്ലാം വഴിപാട് നടത്തിയിട്ടും ദൈവം ഞങ്ങൾക്ക് തന്ന നിധിയെ ദൈവം തന്നെ തിരിച്ചു എടുത്തല്ലോ എന്നായിരുന്നു ആ വാക്കുകൾ .എന്റെ മനസ്സും ശരീരവും ഓരോ നിമിഷവും കുറ്റബോധം കൊണ്ടു നീറുകയായിരുന്നു .ഒടുക്കം അവളെ അടക്കം ചെയ്ത ശവകല്ലറക്കു മുന്നിൽ നിന്നു  ഇറങ്ങി പോരുമ്പോഴും എന്റെ മനസ്സ് പറഞ്ഞു ഞാൻ നിന്നെ ഒരുപാട് സ്നേഹിച്ചിരുന്നു സുചിത അതു നിന്നോട്  പറയാൻ മറന്നു പോയി .അവിടെ നിന്നു അവളോട്‌ അവസാനമായി യാത്ര പറഞ്ഞു പോരുമ്പോഴും എന്റെ കൂടെ തന്നെ ഉണ്ടായിരുന്നു അവളുടെ ആത്മാവ് .............
                     .......ശുഭം........